بسم الله الرحمن الرحيم
االسلام عليكم ورحمة الله وبركاته
اللهم صلي على النبي المصطفى عدد ماكان وعدد مايكون وعدد الحركات والسكون
أبغا أقلكم شي قبل ماتقرأو بس ثواني خذو نفس عميـــــــــق وخرجوه يعني شهيق وزفير
وبعدها ركزو معايه وبعدو كل شي يشتت انتباهكم
الحين أبدأ <<<<قبل فتره كنت أفكر وأقول الحين ربنا أدانا عقل ليش مانستفيد منه لصالحنا بمعنى اني لما أشوف برنامج وفيه مسابقه وتجمع فيها مبالغ
بعدد النقاط خطرت ببالي فكرة انه أتخيل انه الحسنات اللي بأجمعها على هيئة نقاط ورح أعدد لكم النقاط ياحلوين اللي نستطيع بيومنا تجميعها واحنا حاطين يدنا ورجلينا بمويه باااارده
أولا:كل شي بنسويه نستحظر النيه ونقول اللهم انني أريدها لوجهك الكريم زياده في حسناتي وهذا الأهم
ثانيا:أعملو خطه بحيث انه يكون عندكم مبلغ ممكن يكون 100وتكتبو عالوورد أذكار الصباح والمساء أو تحصينات أو دعاء الخروج من المنزل أو الصلاة على الرسول وتطبعوها وتودوها المكتبه يعملها بالماسح الحراري
وتطلع شكلها زي الورد وأطبعو عدد كبير ووزعوها على الاقارب والأصحاب وأي شخص بيمرووزعو سجاجيد للصلاه وأفكار كثير هنا تعتبر نقطه
ثالثاً:البعض مننا مايقدر يمر يوم الا ويسمع اغاني ليه ماتنوي بيوم او اسبوع انك ماتسمع اغاني وبتشوف راحه عجيبه وهذي نقطه
رابعاً:شغالتكم اللي بالبيت فاجئوها واعملولها يوم اجازه بالاسبوع هي والسواق ومشوهم ورفههوهم وريحوهم بهاليوم وأدخلو السرور بقلبهم هذي نقطه
خامساً:أجمعو يابنات وياشباب من العائله والأقارب صندوق لدور الأيتام أعانه كل شخص يدفع حسب الاستطاعه يعني مو مثلا صدقه بس للفقراء لا تفرعو بالصدقات نوعو مثلا المطلقات محتاجات دار النشر والطباعه
دار العجزه هنا تعتبر نقطه
سادساً :أي شي تسووه مثلاً تدو مويه لأحد الحر اشتد عليكم تساعدو امكم بالسفره يومك بالبيت اللي عندها يوم أنوي لله الاجر لعبي البزوره وانوي خلي عدادك شغال أستغفرو وانتو رايحين وراجعين من اي مكان دورو بالتلفزيون على قنوات مفيده وبرامج مفيده لاتوقفو عند أول طفش وتقولو يوه ايش الملل او الطفش تأكدو انه مارح يجي الا من الفراغ وكمان لاتغتابو واذكرو الناس بالخير برمضان عشان كماتدين تدان بيجي
اليوم اللي بيذكروك بالخير وكمان لاتنسو تسوو مساج لأمكم وأبوكم ويعتبر هذا من البر واعملو ا جدول باليوم اللي مثلا تكتبون انا اليوم بشتري براده وأحطها بالمصلى اللي عندنا عشان كل من دخل يشرب منه وبالفعل تعمل اللي كتبته وتشطب عليه اذا توفقت باتمامها واكتبو الاشياء اللي ذكرتها لكم سابقاً ونفس الطريقه أختمو القرآن وانتو مستشعرين كل كلمه أذا كان أحد متخاصم مع احد وبيدك المساعده لاتقصرو يابنوتات اللي عندها عادات سيئه برمضان مثل الاشتراك بالبرامج وهذي معاناتي لاتخسرو فلوسكم بل استفيدو منها والبلاك بيري خدمة المسن أستفيدو منها وارسلو دعاء واذكار واللي بنفسكم
ياجماعه انتهزو الفرص وكونو اذكياء خذو عمره برمضان لأن العمره برمضان أجواء روحانيه غير كل شهرولأقرأو القرآن برمضان وغير رمضان واللي يحب يظيف شي من عنده لايقصر وينصح الناس كونو قائد على أنفسكم ويلا نعلي الهمه
