طريقة وضع المكياج الناعم

بسم الله الرحمن الرحيم



كيفكم بنات ..



راح نتكلم في قسم مع فوفو أحلى عن المكياج والتسريحات والقصات


راح إبداء اليوم في المكياج وأساسيات لازم كل بنت تعرفها


ألازم تهتمي ببشرتك وتعرفي نوع بشرتك { جافه دهنيه ومختلطة }
عشان تعرفي كيف تهتمي فيها ..


راح اشرح لكم كيف تحطي مكياج ويبان طبيعي وناعم ..




أولا .. تحطي كريم مرطب يناسب بشرتك على وجهك ورقبتك تخليه عشر دقايق عشان يدخل بشرتك ويحمي بشرتك من دخول كريم الأساس فيها ..


ثانيا .. تحطي كريم الأساس ولازم يكون افتح من بشرتك بدرجه والبودرة افتح من الكريم الأساس بدرجه ..
توزعي الكريم الأساس بالفرشة أسهل وأسرع { أن شاء الله راح انزل موضوع عن الفرش وكل وحد واستخدامها}.. وبعدها ارسمي حواجبك ..


ثالثا .. تحطي الظل ألون إلي حابه تحطيه وبعدها ترسمي عينك عادي كل وحده والي تحبه كحل جاف ولا كحل سائل ايلينر وبعدها أهم شي المسكره وهي إلي تبرز جمال عيونك ..


رابعا .. تحطي البورده تحاول انك تغطي كل الأماكن حتى يكون مرتب تحت عيونك وانفك من الجوانب ومهم تحطي في رقبتك لازم عشان مايكون في فرق بينها وبين وجهك واااايد مهم لاتنسي ولا تكثري بودرة لان إذا كثرتي ماراح يكون مكياجك ناعم ..


خامسا .. تحطي الروح {قلوس }


سادسا .. تحطي الأحمر الخدود{ بلاشر} يكون لونها نفس الروح أو قريب منه ..




أتمنى أكون أضفت لكم ولو شي بسيط من خبرتي ..



محبتكم ,,
ملكه بإحساسي